老生常談
阿媽話暑假呀仔申請入Camp要有醫生證明佢身體健康。我問佢嗰間野有冇特定嘅表格要我填，如果冇嘅話我哋自己診所有Checkup計劃，做晒Standard嘅檢查就可以攞走醫生信。不過你嘅醫療咭唔會包，所以要比錢。
佢話其實衛生署都有身體檢查Sample表格可以Download，求其填個份表就得啦。
我而家唔係因為唔識個格式而要你做我哋嘅身體檢查。寫一句 He is physically fit 有幾難姐？我係唔會就咁望你一眼，又或者你平時就咁睇咗一、兩次傷風感冒，我就賣個人情俾你，求其唔收你錢瞇埋眼出封信俾你個仔。聽心聽肺摸肚度高磅重都要掛？
叫佢出去問姑娘我哋Plan嘅價錢，點知佢又再話自己有Form俾醫生填。又係講衛生署嗰張。最尾佢走咗，但係我唔見佢再約時間返嚟做檢查。又係錢嘅問題。世界上冇免費午餐OK？
#自問我哋已經收得好平
#出面就算有求其幫你出信你嗰封信都唔會平得去邊
～～～
堅尼地城有素食Option嘅Cafe。上次點左個韓風Toast都幾得意。重點係個侍應幾靚仔不過偷影唔到！你哋自己去望吓啦🤣🤣🤣！
Search